Lortu dut! Asko sufrituta, baina lortu dut Ness lakua zeharkatzea. Ez dakit zer izan den gogorrena: euria, hotza, ipurdiko mina, distantzia... Une batean ez nekien bukatzeko gai izango nitzen, baina Euskal Herritik Eskoziara etorri den familiak asko animatu nau eta azkenean lortu dut bukatzea.

Arazoak arraunean hasi baino lehenenago etorri ziren. Txalupa konpondu beharra geneukan, eta ez genuen inondik inora ere behar genuen materiala aurkitzen. Hori da komeria! Egia esan oso urduri jarri nintzen eta munduko santu guztiak izan nituen gogoan. Azkenean supermerkatu batean topatu genituen lanerako tresnak. Gauean berandu arte aritu behar izan genuen konponketa lanetan.

Hurrengo egunean jeiki eta euria gogotik ari zuen. Bertakoek ziotenez aurtengo eurite handiena zen. Hori ere neri tokatu behar!!! Diossssss!!!!

Beroketa ariketak egin eta lanean hasi nintzen. Hiru orduz arraunean ibili ondoren ipurdiko minak ez zidan jarraitzen uzten. Azkenean Alexi laguntza eskatu eta geratu egin behar izan nuen. Izugarrizko kozkorrak nituen ipurdian eta ez nekien jarraitzeko gai izango nintzen. Bapatean nire familia agertu zen laku ertzean eta eman zizkidaten animoek indar-berritu egin ninduten.

Sufrimendu askoren ostean lortu nuen Ness lakua zeharkatzea. 40 kilometro eta 4 ordu arraunean egin ondoren lore sorta eder batekin eta champagne botila batekin hartu ninduten familiakoek. Pozez zoratzen nago!

 (osorik irakurri)

Hamaika komeria pasa ondoren Eskoziara iritsi gea Alex eta ni. Ingelesak uzten digun heinean, Edinburgo hiria ezagutu nahi izan degu, bertako eraikuntza ederrak ikusi, bertako jendearekin egon eta janari eskoziarra dastatuko dugu.

Gosetu gera eta zeozer jateko asmoarekin jatetxe batera sartu gara. Guk "tipical scotish" esan eta beraiek arkumea aterako omen digute. Hura ez zen ez arkume ta ez ezer!

   (osorik irakurri)

Beti entzun izan det inglesak oso arraroak direla, eta orain esan dezaket egia dela. Nori bururatzen zaio kontrako norabidetik gidatzea? Hau ez da izan Ingalaterrean izan dugun arazo bakarra. Baina goazen pausuz-pausu.

Alex semea eta biok "Ingalaterra" (euskeraz Ingalaterra omen da, eta ez Inglaterra beti esan dugun moduan) aldera joan gara Ness lakua gurutzatzeko asmoz. Santurtziko portuan trasatlantiko handi horietako batean sartu gara eta momentu hortan bertan hasi dira gure komeriak. Nik ingelesez ezta egunon ere eta nere seme Alexek, aldiz, zeozer bai. Hala ere komeri handiak izan ditugu hizkuntzarekin. Eskerrak itsasontziko kapitainak barkua gidatzen utzi didan!!!

 

   (osorik irakurri)

Maiatzeko hauteskundeen ostean, Nafarroako panorama politikoa nahasi samar geratu da. Batzuek eta besteek asko dute esateko eta horregatik, iritzi eta ikuspuntu ezberdinen bila abiatu nintzen atzoko saioan. Hori bai, politikarien gertuagoko irudi bat bilatu nahi izan nuen eta politikariak eroso eta gustura sentitzen diren ekintzetan harrapatu nituen.

   (osorik irakurri)

Aurtengo denboraldia oso txarra izan da euskal futbol taldeentzat. Realak eta Athleticek bereziki asko sufritu dute, baita Alavesek ere. Ugariak izan dira zaleek eman dituzten arrazoi eta teoriak, eta atzo guztiak bildu genituen gure programan.

Athleticen entrenamenduan egon nintzen, Lezaman, eta zurigorrien jokaera salatu nuen, batzuen iritziz modu gogorrean. Nire ustez, jokalariek ez dute guztia ematen zelai gainean; mahai-futbolean jokatzeko ere ez dira gai eta!. Hori egiaztatzeko futbolin partida jokatu nuen Tiko, Zubiaurre eta Luis Prieto lehoiekin. Derbya jokatu genuen, Athletic Realaren kontra, eta Zubiaurrek nirekin jokatu zuen! Realarekin, jakina!

   (osorik irakurri)

Bastidara egin nuen bidaia atzo; nire asmoa aspaldiko lagun bat bisitatzea izan zen, alegia, Mikel Goñi pilotari ezagun eta polemikoa.

Aspe etxeak azken aukera eman dio Oronozko pilotariari, eta bere egoera fisikoa dezente hobetu beharko du beraz, Mikel Goñik. Ondorioz, lan saio gogorrak eta entrenamendu zorrotzak egin beharko ditu; hainbeste gora-beheren ostean, Goñik goi mailaren bidea hartu nahi du, eta horretarako diziplina gehiago behar du. Lanarekin laguntzeko, ni baino hoberik ez dago!!

 

   (osorik irakurri)

Aste honetan patroi lanak egiten aritu naiz, baina trainerua alde batera utzi eta bizikleta hartu dut; kirol gogorra da, baina emozioz betea!

Euskaltel-Euskadiko txirrindulariekin bi egun igaro nituen Euskal Herriko Itzulian. Miguel Madariaga manager nagusiak leku bat egin zidan taldean eta txirrindularien egunerokotasunean sartu nintzen. Zer pentsatuko ote zuten Mikel Astarloza eta bere taldekideek ikusi nindutenean?

   (osorik irakurri)

"Itsasontzi baten..." saioko lehen atalean ikusi zenuten bezala, Castro utzi eta Sestao aldera noa Kaiku taldearen kirol zuzendaria izateko. Aldaketa handia izango da arlo guztietan.

Ez da nire lehen aldia Kaiku taldean. 1976. urtean iritsi nintzen Sestaora arraunlari modura. Urte haietan Kontxako 4 badera irabazi genituen. Urte bikainak izan ziren haiek! Kantauri itsasoko erregeak ginen eta inork ez zigun itzalik egiten!

 

   (osorik irakurri)

"Jose Luis, blog bat idatziko al zenuke?" galdetu zidan grabatu berri dudan "Itsasontzi baten..." saioko zuzendariak duela aste batzuk. Bi aldiz pentsatu gabe baiezkoa eman nion. Kotxean sartu, motorra martxan jarri eta etxerako bidea hartu nuen. Behin eta berriz egiten nion galdera berdina nire buruari: "Zer da blog bat?"

Nire alaba askotan saiatu da bere aita internauta bihurtzen, baina alferrik. Nire esku handi hauek arraunei eragiteko prestaturik daude, ez begiratzearekin bakarrik mugitzen den arratoi sentsible bat maneiatzeko. Hala ere, gaur esfortzu bat egin dut eta ordenagailua piztu eta Interneten sartzea lortu dut. "Google" izeneko orri bat ireki zait eta bertan "zer da blog bat" idatzi dut. 255.000 erantzun azaldu zaizkit!!! Ez dut denak irakurtzeko astirik. Zerrenda luze hartako lehenengo erantzunaren gainean "klik" egiten saitu naiz arratoi madarikatu honekin. Minutu pare bat behar izan ditut arratoia nahi nuen tokian jarri eta behar den abiaduran bi aldiz "klik" egiteko.

Begiak pantailara gerturatu eta blog bat zer den irakurtzen hasi naiz: "Blog (edo weblog) bat, anotazio, istorio edo artikulu publikoak idazten diren Interneteko gune bat da". Ni bezalako hasi berri batentzat hitz potoloak dira hauek. Irakurtzen jarraitu dut eta azkenean argia ikusi dut: "Zerbait esateko daukan edonork eduki dezake blog bat". Eta nik, Jose Luis Kortak, asko dut esateko.

Ongi etorriak nire blogera!  (osorik irakurri)