Asteazkenean izan genuen Oionen Euskadi Irratia, kirolaririk onenaren sari banaketa. Gure saioko entzule zaretenok dakizuen moduan, Aritz Aranburuk irabazi du 2007ari dagokiona (argazki blogean dituzue ekitaldiko zenbait irudi).

Erronka izugarri baten aurrean dago Aritz: munduko onenekin lehiatu beharko du otsailean hasita WCT zirkuitoan, mundu mailako surf zirkuito nagusian. Asteazkenean ordea betiko Aritz aurkitu genuen: lortu dituen arrakasten ondoren apal, laister abiatuko duen erronkaren aurrean lasai.

Lagun artekoa izan zen zarauztarraren ospakizuna, bere txikitako lagunak aukeratu baitzituen Oionera joateko. Eta horixe da uste dut Aranburuk duen altxorra: mundu guztian zehar batera eta bestera lehiatu ondoren, etxera itzuli eta betikoa dela: mutil umila, betiko lagunen artean gustora dagoena.