Oso antzekoak izango dira hurrengo egunak. Asteleheneik aurrera, zeru estalia eta euria izango dugu berriz ere. Kontsultatu eguraldiari buruzko  albisteak eta bidali eguraldiari buruzko argazkiak EiTBra.

Zerua lainotuta dugula hasi dugu berriz ere eguna, kostaldean, batez ere, baina goiza aurrera joan ahala argitzen joango da. Hala, arratsalde polita izango da. Erribera aldean eguzkia izango da egun osoan zehar.

Tenperatura maximoak bere horretan jarraituko dute.

Ostirala

Goizaldean eta goizean goiz zerua tarteka hodeitsu egongo da, bereziki kantauri isurialdean; eta bertan zirimiria egin dezake. Orduak aurrera egin ahala zerua nahiko argi geratuko da.

Ipar-ekialdeko haize ahula ibiliko da eta tenperatura egonkor mantenduko da.

Asteburuan

Larunbata ostiralaren oso antzekoa izango da: Egunaren lehenengo partean eta arratsaldean zerua hodei gutxirekin egongo da baina azken orduetan hodeiak ugaritu egingo dira.

Igandean are antzeko giroa izango dugu, tenperaturak jaitsi egingo diren arren. Astelehenetik aurrera, berriz, laino beltzak agertuko dira berriz eta euria egingo du. 

Kontsultatu eguraldiari buruzko albisteak eta bidali eguraldiari buruzko  argazkiak EiTBra.