Larunbateko giroa ostiral honen antzekoa izango da; lainoak eta ostarteak eta zirimiria izango dira. Igandean, ordea, euria barra-barra egingo du. Ikusi edo bidali eguraldiaren argazkiak EiTBren blogera.

Arratsaldean ostarteak zabalduko dira baina azken orduetarako lainoek hartuko dute berriz ere tokia. Hegoalde erdi aldean, ordea, giro eguzkitsua izango da.

Tenperaturei dagokienez, kostaldean 13 gradura artekoak izango dira eta barnealdean, 10 gradutan mantenduko dira. Ziertzoak gogor astinduko du Nafarroa.

Larunbata hodeitsu

Larunbata lainotuta esnatuko da fronte baten ondorioz eta iparraldean euria aurreikusi da.

Goizean zehar euria eten egingo da eta arratsaldean lainoak eta ostarteak agertuko dira. Hodeiak hegoalde erdi aldera ere iritsiko dira, egunak aurrera egin ahala, ordea, desagertu egingo dira.

Ziertzoak apurka indarra galduko du eta giroa leundu egingo da, izan ere, horrez gain, tenperaturek pixka bat gora egitea aurreikusi da.

Igande euritsua

Igandean okerrera egingo du eguraldiak nabarmen. Euskal Herri osoan egingo du euria, baina zaparrada gogorrenak iparraldean botako ditu.

Horrez gain, baliteke ekaitzak ere gertatzea eta kostaldean txingorra egin dezake. Elur kota 900 eta 1.000 metro artean kokatuko da.

Tenperaturek behera egingo dute pixka bat. Mendebaldeko haizeak indartsuago joko du.

Ikusi edo bidali eguraldiaren argazkiak EiTBren blogera.