Zerua lainotuz joango da eta arratsalderako erabat estalita egongo da. Euria egingo du, baina gutxi. Informazio gehiago, Eguraldian.

Argi esnatu da eguna; zeruak garbi ia Euskal Herri osoan. Egunak aurrera egin ahala baina, egoera aldatuz joango da. Euskalmetek iragarri duenez, fronte hotz bat sartuko da mendebaldetik eta ondorioz, euria egingo du. Eguerdian hasiko dira lainoak sartzen, batez ere Kantauri ertzean. Dena dela, ez du euri asko botako, euri arina izango da eta, batez ere, Euskal Herriko ipar partean egingo du. 

Tenperaturari dagokionez, apur bat hoztuko du, pare bat gradu. 13-15 gradu artean ibiliko dira tenperatura hotzenak, barnealdean. Kostaldean, berriz, 17-18 graduren bueltan ibiliko dira. Hortaz, tenperatura goxoekin jarraituko dugu datozen orduotan.  


Asteazkena

Bihar ere tankerako eguraldia izango dugu. Zeruak estalita egongo dira ia egun osoan. Euria botako du han-hemenka, baina batez ere arratsaldean. Tenperaturek behera egingo dute, gutxi bada ere.