Ostarte zabalak izango ditugu arratsaldean baina tenperatura freskoa izango da: termometroek ez dituzte 10-12 graduak gaindituko kostaldean ezta 8-10ak barrualdean ere. Bidali eguraldiari buruzko argazkiak EiTBra.

Eguna hodeitsu esnatu den arren Euskal Herrian, zerua garbitzen joan da goizean zehar eta urdin guneak ireki dira lurralde guztian.

Datozen orduetan eta ostarte zabalak izango ditugu, tenperatura freskoa izango den arren. Termometroek ez dituzte 10-12 ºC-ak gaindituko kostaldean ezta 8-10 ºC-ak barrualdean ere.

Tenperatura jaisten joango da, gainera, eta Meteorologia Institutuaren arabera, elur-kota 600 metrotan geratuko da EAEn eta 900etan Nafarroan.

Izotza agertuko da, gainera, barrualdeko inguru umelenetan.

Ostirala

Biharko, berriz ere hodeitza ugaritzea espero da eta horrek euri zaparradak ekarriko ditu arratsaldeko, oso indartsuak izango ez diren arren.

Hego eta mendebaldeko haizeak joko du eta horri esker gora egingo du bai tenperaturak baita elur-kotak ere.

Asteburua

Larunbatean ere lainotsu hasiko da eguna baina orduak aurrera joan ahala garbitzen joango da eta ostarte zabalak izango dira arratsaldean.

Tenperaturak behera egingo du berriz ere eta 700-800 metrotan geratuko da elur-kota.

Igandean, berriz, gora egingo du tenperaturak baina baita lainoteriak ere eta euri pitin bat egingo du.

Kontsultatu eguraldiari buruzko  albisteak eta bidali eguraldiari buruzko  argazkiak EiTBra.