Egun zoragarriak izan ditugun arren, iragarpenaren arabera gaur, atzo bezala, euria botako du, eta gauza bera gertatuko da larunbatean eta igandean. Kontsultatu eguraldiari buruzko argazkiak edo zureak bidali.

Azken egunotan eguraldiak aurpegi ona erakutsi digu, baina atzo Euskal Herria berriz estali zen. Izan ere, hainbat orduz euria bota zuen hainbat tokitan.

Gaurko eta astebururako ere ez ditugu iragarpen onak, hodei ugari eta giro hezea izango baititugu.

Gaur, osteguna

Ikusi genuenez, atzo eguraldia okertu zen, eta gaurko ere euria iragarri dute, baina baliteke arratsaldean gutxiagora egitea, barnealdean batez ere.

Haizeak ipar-mendebaldetik joko du, giroa freskatuta, eta kostaldean eta mendian bortitzagoa izango da. Era horretan, tenperaturek behera egingo dute, maximoek batez ere.

Bihar, ostirala

Ostiralak asteburu hodeitsu bati hasiera emango dio, baina arratsaldeko azken orduetan zerua garbi geratu liteke.

Tenperaturak freskoak izango dira bihar ere, baina maximoak gaurkoen antzekoak izango dira. Haizeak ipar-mendebaldetik joko du, baina indar gutxiz.

Larunbata eta igandea

Larunbatean lainoarekin esnatuko gara eta zerua nola doan estaltzen ikusiko dugu. Haizea ipar-mendebaldetik helduko da berriro, baina indar gutxiz. Hori bai, tenperaturak pixka bat igoko dira, barnealdean batez ere.

Hala ere, igandean egoerak okerrera egingo du berriro, euriarekin eta tenperaturaren jaitsiera ekarriko duen iparraldeko haizearekin.