Zerua estalita egongo da gaur, eta tenperaturak asko jaitsiko dira. Hurrengo egunetan gauzak ez dira gehiegi aldatuko. Oro har, zeru grisa eta zaparrada arinak izango ditugu.

Euskalmet Euskal Meteorologia Agentziaren arabera, gaur, igandea, indar gutxiko fronte bat sartuko da, eta, ondorioz, zerua hodeitsu geratzeaz gain. Tenperaturak nabarmen egingo du behera; maximoak 20 ºC inguruan ibiliko dira. Noizean behin euria egingo du, baina orokorrean euri arina izango da. Haizea ahul eta aldakor ibiliko da eta egunean zehar iparraldeko norabidea hartuko du.

Astelehena eta asteartea

Biharko (astelehena) ez da aparteko aldaketarik aurreikusten. Britainiar uharteetan kokaturiko depresiogune bat dela eta, mendebaldeko haizea ibiliko da. Zerua hodeitsu geratuko da, bereziki kantauri isurialdean. Han, berriro ere euri arina egin dezake. Lehen orduetan mendebaldeko haizeak kostaldean zakar joko du. Tenperaturak berdintsu jarraituko du; 20 ºC inguruan kokatuko da.

Asteartean mendebaldeko haizearen eraginpean segituko dugu. Lehen orduetan zerua hodeitsu egongo da eta tarteka euri arina egingo du. Halere, egunaren amaierarako, ostarte politak irekiko dira. Kostaldean mendebaldeko haizeak gogor joko du boladaka. Tenperatura oro har aldaketa handirik gabe mantenduko da, baina barnealdean altuxeagoa izango da 25 ºC-ra ailegatuz.