Gaur zeruak garbi mantenduko dira. Bihar, ordea, euria nagusituko da Euskal Herriko txoko gehienetan. Igandean, berriz, tenperaturek nabarmen egingo dute behera.

Asteburua eguraldi nahasiarekin dator. Hala dio behintzat Euskalmet Meteorologia Agentziaren iragarpenak.

Gaur, udako giroa izango dugu Euskal Herrian; eguzkia eta tenperatura atseginak nonahi.

Larunbata

Biharko, ordea, aldaketa espero da. Tenperaturek gora egiten jarraituko duten arren, hodeiak nagusitzen joango dira.

Goizean zeruak nahiko garbi azalduko dira. Halere, egunak aurrera egin ahala eguraldiak okerrera egingo du eta baliteke iluntze partean euria eta ekaitza egitea, batez ere mendebaldean.

Igandea

Igandean, giroa are nahasiagoa izango da. Litekeena da goizean ostarte bat edo beste egotea, dena dela, euria izango da aste bukaera honetako protagonista nagusia.

Euskal Herri osoan egingo du euria eta tenperaturak aurreko egunetan baino baxuagoak izango dira.