Zeru eguzkitsuak eta bero handia izango ditugu gaur, barnealdean batez ere, kostaldean ibiliko den haizeak giroa freskatuko baitu. Astebururako oraindik bero handiagoa iragarri dute.

Gaurko egunaren ezaugarririk bereizgarrienak eguzkia eta beroa izango dira, barnealdean batez ere, 28 ºCko tenperatura maximoak izan ditzaketelako hor. Kostaldean giro freskoagoa izango da, haizeari esker. Arratsaldean hodeiak sortuko dira.

Bihar

Ez da aldaketa handirik egongo bihar, ostirala. Izan ere, aurreko egunaren oso antzekoa izango da. Haize leuna eta aldakorra ibiliko da, kostaldean brisa eta beroa bestelakoan. Barrualdean 30 ºC inguru.

Arratsaldeko azken orduan lainoak agertuko dira.

Asteburuan

Larunbaterako are bero gehiago espero da, hego haizea izango baitugu. Igandean, berriz, jaitsi egingo da tenperatura eta ekaitzak izango dira. Gauza bera astelehenerako.

Kontsultatu eguraldiaren iragarpena meteorologiaren inguruko albiste guztiak dituen bloga eta ikusi edo bidali eguraldiari buruzko argazkiak EiTBra.