Astelehenean hodeiak izango ditugu egunaren aurreneko orduetan. Halere, zerua nahiko garbi mantenduko da. Astearterako ere ez da aparteko aldaketarik espero, hodeiak eta ostarteak izango baitira.

Bihar, astelehena, hodei gehiago ikusiko ditugu hasieran, kantauri isurialdean bereziki; hala ere, eguzkia nagusituko da eguerdi aldera, baina egunaren bukaeran zirimiri pixka bat egin lezake. Iparraldeko haizearekin jarraituko dugu, eta tenperatura, nahiz eta antzera mantendu, pixka bat jaitsiko da, beroenak 20º C ingurura igoz.

Asteartean ere hodeiak eta ostarteak izango dira, eta zenbat eta hegoalderago joan argiago egongo da. Kantauri isurialdean, berriro ere, hodei gehiago agertuko dira, bereziki ekialdean; bertan, egunaren hasieran zirimiria egin lezake eta arratsaldean ekaitz-zaparradak botatzeko arriskua egongo da. Tenperatura ez da aldatuko. Haizea noraezean ibiliko da, baina ekialdeko norabidea nagusituko da.