Iragarpenaren arabera, eguzkia eta tenperatura goxoak izango dira asteburuan. Kontsulta itzazu meteorologiari buruzko albisteen  eta EiTBren argazkiak.

Maiatza amaieran bagaude ere, datozen egunotan apenas ikusiko dugu eguzkia eta fresko antzera ibiliko da.Iragarpenaren arabera, eguraldi motela izango dugu gaur. Fronte hotz bat sartuko da eta goizean zehar mendebaldetik hodeiak ugaritzen joango dira eta zerua oso hodeitsu geratuko da. Euria egiten hasiko da, mendebaldean goizean eta eguerditik aurrera lurralde osoan; arratsaldean eta iparraldean egingo du ugariago. Gauean atertzen joango da eta hodeiak gutxitzen joango dira. Giro atsegina, maximoak 20 ºC ingurukoak. 

Ostegunean, eguraldiak hobetze aldera egitea espero da, batez ere barnealdean. Kostaldean zerua oso hodeitsu egongo da oraindik eta noizbehinka zirimiria egingo du. Tenperatura atsegina, asteburuan jasango duen gorakadaren zain.

Asteburu paregabea izango dugu eguraldiari dagokionez: eguzkitsu eta tenperatura goxoarekin. <strong>Ostiralean </strong> zehar eguraldia hobetzen joango da. Hodeiekin hasiko dugu eguna baina egunaren bigarren partean ateri mantenduko da eta hodeiak desagertzen joango dira. Tenperaturaren beste igoera bat gertatuko da eta maximoak 20 ºC-tik gora izango dira berriro. Larunbatean eta igandean ere giro bikaina izango dugu.