Iragarpenaren arabera, hodeiak eta tenperatura freskoak izango dira protagonista, gutxienez ostegunera arte. Kontsulta itzazu meteorologiari buruzko albisteen bloga eta EiTBren argazkiak.

Maiatza amaieran bagaude ere, datozen egunotan apenas ikusiko dugu eguzkia eta fresko antzera ibiliko da. Iragarpenaren arabera, eguraldi motela izango dugu gaur: euri handirik ez, baina hodeiak ugari. Kostaldean noizbehinka egingo du euria, baina gainerako lekuetan ateri egongo da. Eguerditik aurrera, ostarteak agertuko dira eta tenperaturak 18-20 ºC artean ibiliko dira.

Bihar, asteazkena, fronte hotz baten eraginpean izango gara eta euria eta hodeiak izango dira nagusi. Goizean goiz ostarteak izango dira zeruan, baina gero, mendebaldetik hodeitza areagotzen joan eta euria egiten hasiko da. Arratsaldean euria ugariago eta sarriago egingo du; gauean atertzen joango da. Tenperatura atseginagoa eta epelagoa edukiko dugu. </p>

Ostegunean, eguraldiak hobetze aldera egitea espero da, batez ere barnealdean. Kostaldean zerua oso hodeitsu egongo da oraindik eta noizbehinka zirimiria egingo du. Tenperatura atsegina, asteburuan jasango duen gorakadaren zain. 

Asteburu paregabea izango dugu eguraldiari dagokionez: eguzkitsu eta tenperatura goxoarekin. Horrenbestez, ostiralean, larunbatean eta igandean udaberriko giroa edukiko dugu.