Gaur, astelehena, giro zakarrarekin hasi da eguna, baina iragarpenen arabera, hobetuko da.

Astelehena euritsu, hodeitsu eta hotz hasi den arren, iragarpenen arabera eguraldiak hoberantz egingo du, asteak aurrera joan ahala, udaberriko giroa ezarri arte.

Astelehena
Eguraldi hobeagoa izango da lurraldearen mendebaldean, hodeiak eta ostarteak tartekatuko diren arren, eta baliteke goizean euria botatzea. Ekialdean hodei gehiago egongo dira eta gogorrago botako du euria, Pirinioetan batez ere. Arratsaldean eta gauean, eguraldia hobetuko da.

Nahiko hotzak izango dira tenperaturak, 15 eta 16 gradu arteko maximoekin, eta haizeak tarteka gogor joko du kostaldean eta mendietan, egunak aurrera joan ahala baretuko bada ere.

Asteartea
Bihar, asteartea, eguraldiak hobera egingo du, baina hodeitsu eta euria botata hasiko da eguna. Eguerditik aurrera, hodeiak eta euria desagertzen joango dira eta, gainera, udaberriko tenperaturak izango ditugu.

Asteazkena
Asteazkenean alderantziz gertatuko da, eta eguraldiak txarrera egingo du. Euria eta zeru hodeitsuak izango ditugu gauera arte, baina orokorrean tenperaturak igoko dira.