Astean zehar tenperaturak egonkortu egingo dira, baina giroa nahasia izango da: ez du hotz egingo, baina euria eta haizeteak izan daitezke.

Eguraldia aurreko egunetan baino txarragoa ari da izaten gaur. Tenperaturek behera egin dute, eta 20-25 ºC izatetik 17 ºC izatera pasa gara. Termometroek behera egin dute, baina giroak atsegina izaten jarraitu du.

Hala ere, gaur arratsaldean ipar-mendebaldeko haizeak gogor joko du, batik bat kostaldean eta mendi inguruetan, eta euri zaparradak izango dira toki batzuetan.

Asteartea
Bihar giroak nahasia izaten jarraituko du. Hau da, ez du hotz egingo, baina hodeiak ostarteei gailenduko zaizkie eta euri arina egingo du han-hemenka, batez ere lurraldearen ekialdean. Tenperaturak, oro har, egonkortu egingo dira.

Asteazkena
Asteazkenean egoera berbera izango da. Termometroek 17-18 ºC artean erakutsiko dituzte, baina zaparrada arin-ertainak botako ditu, batik bat kostaldean. Hori goizean, arratsaldean hodeiak gutxituko baitira eta atertuko delako.