Gaur zeruak estalita egongo dira eta euria egingo du nonahi. Iragarpenen arabera, bihar goizean ere eguraldi euritsua izango dugu. Kontsultatu eguraldiaren iragarpena eta bidali eguraldiari buruzko argazkiak EiTBra.

Maiatza hasi zenetik ez dugu eguzkirik ikusi Euskal Herrian eta iragarpenen arabera, bihar arratsaldera arte behintzat eguraldiak ez du hobera egingo.

Gaur, larunbata, zeru estaliekin hasi dugu eguna eta euria egiten ari da leku gehienetan. Kazkabarra ere bota du kostaldean eta arratsalderako ekaitz arriskua ere badago. Tenperaturek nahiko baxuak izaten jarraituko dute.

Igandea

Bihar ere antzeko eguraldia izango dugu eta goizetik euria izango da nagusi. Halere, badirudi, egunak aurrera egin ahala, hodeiak gutxituko direla eta iluntze aldera zeruak hodei bakan batzuekin geratuko dira, batez ere barnealdean. Tenperatura minimoak bere horretan mantenduko dira, maximoek, ordea, gora egingo dute zertxobait.

Astelehena

Astelehenean eguzkia ikusiko dugu Euskal Herri osoan eta zeruak guztiz garbi egongo ez diren arren, ez da aurreko egunetan adina laino egongo.