Hobekuntza izango dugu gaur, ia ez du euririk egingo eta tenperatura igo egingo da baina euria bueltan izango dugu bihartik aurrera.

Euria gainetik kendu ezinda ibili garen arren, gaur eguraldiak hobera egingo du Euskalmet Meteorologiaren euskal agentziaren arabera. Hodeiak gutxitu egingo dira, baina oraindik ere tarte hodeitsuak izango ditugu. Ez da euririk espero, lurraldearen ekialdean zaparradaren bat edo beste bota ditzakeen arren. 

Tenperaturak gora egingo du; maximoak asko igoko dira eta 18 ºC inguruan geratuko dira. Minimoek, aldiz, behera egingo dute eta Arabako zenbait lekutan 0 ºC izan daitezke.

Osteguna

Ostegunean euri gehiago izango dugu eta iparraldeko haizea sartuko da. Hala eta guztiz ere, lehen orduetan atsedenaldi bat izango dugu eta ez du euririk egingo. Goizean zerua lainotuta izango da eta eguerditik aurrera hasiko da euria egiten. Ekaitzak jo dezake.

Tenperatura maximoak jaitsi egingo dira eta 15 ºC-ren bueltan ibiliko dira. 

Ostirala

Eguna lainotsu esnatuko da. Euria arina izango dugu Euskal Herri osoan, kostaldean izan ezik, inguru horretan euri gehiago egingo du.

Tenperaturak ez dira asko aldatuko. Izatekotan, jaitsi egingo dira.

Asteburuan

Bai larunbata bai igandea egun lainotsuak eta euritsuak izango dira

Tenperatura maximoek ez dituzte 15 ºCak gaindituko.