Bihartik aurrera, giroa ezegonkor bihurtuko da. Gaur arratsaldean bertan, baliteke ekaitzen bat gertatzea, batez ere, Bizkaiko eta Arabako mendi inguruetan.

Azken egunen antzera, asteartea udako giroarekin hasi den arren, bihartik aurrera, goitik behera aldatuko da eguraldia eta ezegonkor bilakatuko da.

Gaur lurraldearen ia osotasunean, zeruak oskarbi mantenduko dira.

Hego-haizeak giro beroa ekarriko du, 25 gradura arteko tenperaturak izango dira kostaldean eta barnealdean.

Egunaren azken aldera lainoak ugarituko dira eta baliteke ekaitzen bat botatzea, batez ere, Bizkaiko eta Arabako mendi inguruetan. 

Eguraldiari buruzko argazkiak ikusi edo bidaltzeko sar zaitez Eguraldiblog-en.