WWF/Adena erakundeak ohartarazi du munduko tokirik harrigarrienetako batzuk, koral-hesi handia edo Bengalako tigreak bizi diren mangladia esaterako, desager litekeela klima aldaketak jarraitzen badu.

Munduko lekurik zirraragarrienak, hamar mirari naturalak deiturikoak, arrisku larrian daude aldaketa klimatikoak bere horretan jarraitzen badu, adierazi du WWF/Adena erakunde ekologistak gaur kaleratutako txostenean.

WWF/Adenaren esanetan hamar toki horiek honakoak lirateke: Koral-hesi handia eta koralezko arrezife beste batzuk; Chiuahuako basamortua, Mexikon eta AEBetan; Karibea, Karei dortoka bizi den tokia; Valdiviako baso tropikala; Sundarbanseko mangladiak, Indian; Yangtse ibaiaren goiko tartea, Txinan; Amazonia; Beringeko itsasoa, izokin ugari dauden lekua; Himalayako glaziarrak; ekialdeko Afrikako kostaldeko basoak eta itsasoa.

Gaur aurkeztutako dokumentuan, WWF/Adenak hamar mirari horien azterketa sakona egiten du eta aldaketa klimatikoak horiengan eragiten dituen arazoak eta arriskuak identifikatzen ditu.

Horrela izaki, itsasoaren berotzeak koral-hesiaren zuritzea ekar lezake eta Txinako Yangtse ibai handiaren emaria zeharo murriztu liteke glaziarrak atzera egiten ari direlako.