Egoera hori ezarri zuen Foru Gobernuak denboralearen ondorioz ibaiek izan duten uhaldiak ikusita.

Foru Gobernuak aurrealerta egoera mantentzen du Ebro ibaiko eta Ega eta Aragoi haren ibaiadarretako erriberako herrietan gaurko, osteguna, uholdeak gertatu daitezkeelako.

Eguerdian zegoen jazoera aipagarri bakarra, Exekutiboak komunikatu batean adierazitakoaren arabera, N-113 errepidea (Iruña-Madril) 75. Kilometroan, Kastejon aldera, itxita zegoela zen.

70 zentimetroko altuera aurkezten zuen urak goizeko lehen orduetan, eta 250 metro luzerako errepide zati batetan eragin zuen horrek. Saihesbide moduan NA-134 (Ebroko ardatza) eta NA-115 (Tafalla-Peralta-Rinkon) errepideak, eta AP-15 autobidea proposatu ditu Foruzaingoak.

Halaber, eguerdira arte NA-6140 (Tafalla-Miranda Arga) errepidea zirkulaziora itxita egon da 13. kilometroan.

Beste alde batetik, NA-121-A errepidearen zati bat edo guztia zirkulaziora itxiko dute 15:30ak arte Igantziko Bentak aldera, atzo istripua izan zuen kamioiaren erreskate lanak egiten arituko baitira.

Kontsultatu eguraldiaren iragarpena eta ikusi edo bidali eguraldiari buruzko argazkiak EiTBra.