Iragarpenaren arabera, Gipuzkoa barnealdean, Araba iparraldean, Nafarroa iparraldean eta erdigunean eta Iparraldeko hegoaldean dago ekaitzak izateko eta txingorra egiteko aukera gehien.

Udaberrian sartu gara baina martxoko azken egunetarako oso eguraldi nahasia iragarri dute adituek.

Gaur goizean, batez ere, Bizkaia eta Arabako iparraldea, zeruak estalita eta euri artean esnatu dira. Egunak aurrera egin ahala, Euskal Herri osora zabalduko da giro nahasia.

Egoera are gehiago kaskartuko da astearte honen azken aldera; batez ere, Gipuzkoa erdialdean, Araba iparraldean, Nafarroa iparraldean eta erdigunean eta Iparraldearen hegoaldean, ekaitzak eta horiekin batera, txingorra egin ditzakeela iragarri dute.

Tenperatura atseginak izango dira; kostaldean eta barnealdean 15 graduko maximak iragarri dituzte.

Horrez gain, eguraldi nahasia izango da asteko egun gehienetan.

Eguraldiaren inguruko argazkiak, blog.eitb.com/eguraldiblogEguraldiblogen