Bigarren mailako A-3121 (Langraitz) eta A-4302 (Berantevilla) errepideak itxita daude. Bestalde, Emergentzietako Aholku Batzordea bilduta dago goizetik, egoera aztertu eta erabaki bat hartzeko.

Zadorra ibaiak Arabako hainbat puntutan gainezka egin ostean, bigarren mailako bi errepide itxi behar izan dituzte gaur, Herrizaingo sailak jakinarazi duenez. Hain zuen ere, emergentzia egoeran daude Araban, uholdeak gertatzeko arriskua dagoelako.

A-3121 eta A-4302 errepideetatik beraz, ezin dira ibilgailuak pasatu.

Bestalde, Arabako hainbat elkartek osatutako Emergentzietako Aholku Batzordea bilera egiten ari da gaur, egoera aztertu eta honen inguruan erabaki bat hartzeko.

Erakunde honek, probintzi honetako urtegiak ez hustea erabaki zuen atzo.

Ebroko Ur-Konfederazioaren web orrian azaltzen denez, Urrunaga urtegia edukieraren %91,25ean dago eta Ulibarrikoa %87,57an.