Erlojuak 60 minutuz aurreratu beharko ditugu, energia aurrezteko Europako zuzentarau bati jarraiki. Adituen kalkuluen arabera, Espainiako Estatuan energiaren %5 aurrezten da udako hilabeteetan neurri honi esker.

Gaur goizaldean (igandea)sartuko da indarrean udako ordutegia eta, horrenbestez, erlojuak 60 minutu aurreratu beharko ditugu (02:00ak 03:00ak bihurtuko dira). Hala, egunak beranduago argituko du, baina iluntzean ordu gehiago izango ditugu argitasunaz gozatzeko.

Ordu-aldaketa hori Europako Batasuneko kide diren herrialde guztiek egiten dute Bederatzigarren Zuzentaraua ezarri zenetik. Arau horren arabera, udako ordutegia martxoko azken igandean hasten da eta urriko azken igandean bukatzen da.

Espainiako Estatuak ere bere ordenamendu juridikoaren baitan jarri du zuzentaraua, energia aurrezteko asmoz.

Petrolioaren lehen krisia izan zenean, 1974an, ordua aurreratzeko erabakia hartu zuten hainbat herrialdek. Horrela, eguzkiaren argia gehiago aprobetxatzea eta argi artifizialerako elektrizitate gutxiago kontsumitzea lortu zuten. Adituen kalkuluen arabera, Estatuan energiaren %5 aurrezten da udako hilabeteetan neurri honi esker.