Herrizaingo Sailetik gomendioak eman dituzte: arropa eta oinetako egokiak eramatea, sakelako telefonoaren bateria ondo kargatuta eramatea, eta Pista edo bideetatik kanpoko toki ezezagunetan ez ibiltzea.

Asteburu honetan mendira eta aisialdirako guneetara elurraz gozatzeko egingo diren irteeretan arretaz ibiltzeko eskatu du Herrizaingo Sailak.
Halaber, errepideetan zein pista edo bideetan ibilgailuak ondo aparkatzeko eskatu dute, beste ibilgailu batzuei eta, noiz edo noiz gertatu denez, sorospen-lanetan ari diren larrialdietarako taldeei bidea oztopatu gabe.

Horrez gain, Herrizaingo Sailetik beste gomendio hauek ere ematen dituzte:

. Arropa eta oinetako egokiak eta jateko eta edateko ezer eraman.
. Sakelako telefonoaren bateria ondo kargatuta eraman, istripua izanez gero edo galduz gero, SOS Deiak 112 telefonora deitu ahal izateko.
. Pista edo bideetatik kanpoko toki ezezagunetan edo elurrez estalitako tokietan ez ibili.
. Elurretan plastiko edo lerak baliatuta jolastu nahi izanez gero, ez egin inoiz aldapa handiko maldetan edo amildegien ondoan. Eta gogoratu elurrak ikusten ez diren harriak, adarrak edo zuloak ezkuta ditzakeela.