Bigarren mailako errepideetan, zortzi mendate daude itxita, gehienak Araban eta Nafarroan. Barnealdean izotzguneak eta elurra egon daitekeela eta, kontuz ibiltzeko aholkatu dute.

Euskal errepideetan kaosa izan da protagonista azken hiru egunotan. Gaur, baina, hobera egin du eguraldiak eta normaltasuna da nagusi.

Hala, EAEko eta Nafarroako sare nagusia irekita dago, hori bai, Urkiagako mendatean (Nafarroa) kateak behar dira ibiltzeko.

Hala, bigarren mailako errepideak bakarrik daude itxita, elurragatik edo izotzagatik, Ertzaintzak eta Foruzaingoak eitb24.com-i jakinarazi diotenez.

Zortzi mendate daude itxita, gehienak Nafarroan eta Araban. Honakoak dira: Opakua, Urduña, Bernedo, Herrera eta Azazeta (Araba); Belagua (12. kilometrotik aurrera) eta Orokieta (Nafarroa) eta Lenitz-Gatzaga (Gipuzkoa).

Kateak behar dira ondokoetan: Urraki, Kurtzeta, Salinas eta Gasteizko mendatea, Lizarraga, Ezkurra, Artesiaga,Egozkue eta Urbasa.