A-8 autobidea itxita dago une onetan Elgoibar parean zenbait kamioik istripua izan baitute. Gainera, Durango eta Zornotza bitartean (A-8an) astiro joatea gomendatzen da, izotza baitago.

10 kilometroko auto-ilarak daude AP-63 errepidean, Gipuzkoa eta Lapurdi arteko mugan, Iparraldetik datozen kamioiei ez baitiete EAEn sartzen uzten. Donibane Lohitzunetik aurrera ez diete autopistan sartzen uzten.

Istripu txiki ugari, mendateak zirkulaziora itxita eta murrizketak kamioientzat. Horiexek dira EAEko eta Nafarroako errepideetan protagonistak, Ertzaintzak adierazi duenez. Azken orduetan eguraldiak okerrera egin du nabarmen eta horregatik, kontuz gidatzeko eta beharrezkoa ez den bitartean, autoa ez hartzeko gomendatu dute.

Andazarate, Bidania, Iturburu, Arrate, Otzaurte, Elosua eta Urraki Gipuzkoako mendateetan kateak erabili behar dira. Lenitz-Gatzaga, Udana eta Deskarga itxita daude.

Araban, AP-68an eta N-622 errepidean (Haro eta Armiñon bitartean) autoak kateekin bakarrik ibil ditezke. AP-1 errepidean kamioiek bertatik ibiltzea debekatuta dute.

Bizkaian, Urkiola eta Kanpazar itxita daude.